A la gueta del «Celene»


Textu y semeyes: Xesús F. Manteca (GE Gorfolí –Asturies)

 

El Celene podrie ser un raque que sigún les fontes orales alcuentrase ente la Peña la Deva y la Ría d'Aviles sobre una fondura aprosimada de 60 m.

Sigún estes mesmes fontes delles xeneraciones de pixuetos pescaron y entá pesquen allí. El pasau 3 de mayu de 2008 empobinámonos a la gueta d'esti raque Alberto, Angel y yo col sofitu del Tsunami y la so afayaiza Tripulación (Jaime, Mánuel y Fernando).

Tres d'una hora de viaxe dica les marques vemos que la fondura coincide con la información dada pelos mariñanes pixuetos y un sele ecu dexase ver na sonda. A la voz del patrón, llargamos el pedrón, fechu n'esti casu con delles pieces de fierro soldaes y que pesará alredor de 25 kg. El bon estau de la mar d'esti dia permite axustar el llargor del cabu de fondeu per bien. A 47 m. de fondura recibenos una playa ensin nada que resalte de lo so uniformidá. L'agua ta clara y la visibilidá ta llendada pel movimientu de les nubes que tapen el sol de xemes en cuando. El rayu de los nuesos focos tresmánase nesti valeru somorguiáu ensin espetase en nada, nin piedra nin fierro. Amarramos el cabu d'un carrete al cabu fondéu y llanzámonos escontra una solombra separtada dellos metros del pedrón que parez querer engañanos, ya que por muncho que-y demos a les aletes parez que cuerre más que nosotros. Desendolcamos el carrete del tó (unos 70 m) y facemos una radial completa ente 47 y 49 m. de fondura ensin tocar el fondo, que n'algunos llugares algama ente 50 y 53 m., pero nun atopomos un res. A los 20 minutos entamamos la subida, que obligarános a una descompresión de 40 minutos, los caberos 14 a 6 m. de fondura con oxi. La mecedura de fondu usada foi 21/35.

Por fin aparez na sonda. L'ecu dibuxa una cadarma que xube dende 105 m. dica una cota ente 90 y 70 m. de fondura. Seique seya un apetecible somorgamientu.

 


   
enlace con la página espeleoastur.as