¿«Celene» o «Berta»?


Textu y semeyes: Xesús F. Manteca (GE Gorfolí –Asturies)

 

El domingu 22 de xunu ficimos una salea otra vegada a la gueta del "Celene". Mentantu estes selmanes enterámonos de que per esa faza averada a Castrillón perdióse nos años 50 del sieglu XX un barcu cargau de madera nomau "Berta". Esta vegada salimos dende Cuideiru col Petón Rafa, Isidro y yo.

Magar qu'hai una hora de navegación dica'l puntu estimáu onde puede tar el raque señaláu polos pixuetos. La borrina garrada a la mariña tapeznos tol viaxe los montes de Cuideiru y Castrillón.

Pero la mar, tal como un pozu, permite un bon andar. Echamos una hora en llegar a la posición de les marques.

A la segunda pasada un ecu nidiu canta na sonda, dibuxando daqué que sube dende 48 m.f a 38 m.f. Facemos delles pasaes pa confirmar que hay dalgo ehí abaxu y poder atalantar el so llargor. Dempués d'una hora camentamos que esa cadarma somorguiada tien alredor de 60 m. de llargo y que nun hay nada asemeyao nes cercaníes que pudiere indicar que fuera una formación xeolóxica, además de ser el únicu llugar nel que hay bálamos de pexes.

Sabemos pel somorgamientu que ficimos en mayu nesta faza que'l fondu ye una sablera que nun tien ni un cantu ni un rigodón, asina qu'atalantamos qu'esto que sal na sonda podrie ser ún de los raques que buscamos.

Estos bálamos de pescao atrayen otru dia más delantre nos nuesos güeyos un calderón curiosu.

 


   
enlace con la página espeleoastur.as