Somarinos nel Cantábricu asturianu


Xesús F. Manteca (GE Gorfolí –Asturies)

 

Somarín alemán abellugáu en Cartagena (Murcia) y requisáu al final de la II Guerra Mundial pola Armada Española. Entá sirvió casi dos décades más

Na madrugada del 12 de payares de 1943 un Liberator estaunidense del escuadrón VB-103, atacó y fundió a 120 milles al norte de Cabu Peñes (Asturies) al somarín alemán U-508. Na griesca, el somarín algamó col so fueu antiaeriu al bombarderu, echándolu a la mar. Na mañana d'esi mesmu día otros dos aviones alliaos reconocieron la faza a la gueta del so compañeru. Na posición señalada atoparon dos manches de combustible separtaes unes 5 milles ente elles

   

 

 

 Dientru d'un somarín alemán mentantu la I Guerra Mundial

 
   

Ataque d'un somarín alemán a un pailebot mentantu la I Guerra Mundial


      

Fundimientu del somarin republicanu español «B-6» n'agües averaes al Cabu Peñes (Asturies) en setiembre de 1936, tras d'enfrentase al remolcador armáu facista «Galicia»


Dos somarinos españoles de la Serie A y ún de la Serie B, amarraos xuntu al barcu de rescate de somarinos «Kanguro» nos años 20 de la pasada dómina nel puertu d'El Musel (Xixón-Asturies)


Somarín repulicanu español «C-6». Tres ser bombardeáu pola aviación mercenaria alemana nel puertu d'El Musel (Xixón-Asturies) a mediaos d'ochobre de 1937 y al nun poder iguar les averíes producíes el 20 d'ochobre de 1937, el comandante fúndelu fuera d'El Musel. En 1948 el Centro de Buceo de la Armada (CBA) fai la so primer intervención, reflotando esti somarín. Cuando s'empobinaba pal desguace perdió'l remolque y volvió a somerguyase nes agües del Cantábricu


Somarín «C-2». Tresmanóse al altor d'Estaca de Vares (Galicia) en 1951, cuando yera remolcau p'Avilés pa ser desguazáu


Somarin republicanu «C-5», desparecíu el 31 d'Avientu de 1936, a 11 milles al norte de Ribeseya (Asturies). Meses enantes, nún enfrentamientu col barcu facista «Velasco», foi algamáu por una carga de fondura, quedando atrapáu a 80 m. de fondura mentantu 44 hores. Tres d'esti tiempu, el comandante y la tripulación fueron quién pa iguar les averíes del barcu, salir a superficie y aportar a  Xixón. Una situación asemeyada descríbese na película alemana "Das Boot", al mirar el somarín alemán protagonista de pasar pel Estrechu Xibraltar


Somarín republicanu «C-5» en Plymouth enantes de la Guerra Civil


Somarinos republicanos «C-5» y «C-6» en Venecia, enantes de la Guerra Civil


Cámara de torpedos de proa del «C-5»


Somarín italianu «Torelli», amarráu nos cais de la Ria d'Avilés. Tres de ser perseguíu la nueche del 3 al 4 de xunu de 1942 por hidroaviones británicos según mos rellató un testigu presencial, intentó tapecese ente la Peña la Deva y la mariña de Castrillón. Dende equí, aportó a la Ria d'Avilés, au entró a remolque de barcos asturianos. Dempués de pasar 48 hores nel nuesu puertu, salió pela nueche y aportó a Santander. Ellí, los diplomáticos británicos consiguieron que les autoridades españoles-y desmontaren dalguna pieza vital y apresaron al so comandante. Misteriosamente, el comandante italianu fue quién a escapar y facese cola pieza necesaria pa poder navegar, algamando asina les bases de somarinos alemanes de la Bretaña francesa. Al final de la II Guerra Mundial, esti barcu acabó sirviendo baxo la bandera de la Marina Imperial Xaponesa


enlace con la página espeleoastur.as