Cueva Caldueñín
Llanes, Asturies 
 
 
 

La Cueva Caldueñin ábrese averada al llugar de Caldueñín, nel Conceyu Llanes. Ye la surdencia de les agües desumíes na Cueva'l Bolugu, n’El Mazucu. Pola so prosimidá a Caldueñín, ye conocía dende siempre pela xente'l llugar, que usóla como abellugu en tiempos de guerra.

Esta semeya seique fora tomada a la entrada la Cueva Caldueñín, en setiembre de 1937, mentantu la batalla d'El Mazucu. Vése un grupu de milicianos apurriendo lleña pa lo que paez ser una cocina de campaña.

-Pica nella pa ampliala-

Les sos cordenaes UTM, sigún la fueya 31-IV, Benia, escala 1/25.000, del Mapa Topográficu Nacional d'España son:

X= 348.975 Y= 4.804.887 Z= 160 m.s.n.m.

La primer esploración conocía foi fecha en 1961 pol O.U.C.C., atopando el sifón d’agües arriba con poco agua, lo que yos-permitió algamar la sala inundada bautizada por ellos como Water Polo Chamber. En 1992, miembros del C.D.G. de Gran Bretaña, seición de Leeds, esploren 90 m. nel segundu sifón, algamando -28 m.f. En Setiembre de 1994, cola participación del G.E. Gorfolí, algámase una estrencha campana tres del segundu sifón. La estrechura la campana nun dexa salir a superficie, pero sí se ye a ver cómo floten nella dalgunes botelles de plásticu. Anguañu, esta cueva ye usada pol Ensame Aguarón como sifón d’iniciación y entrenamientu. El 8 de Febreru de 1998, Isidro, Raúl, Teca y Speedy esploren una galería de grandes dimensiones que xune la salona de la entrada cola Sloping Rift y col sifón de -28 m.f. qu’entama na Water Polo Chamber.

Allugamientu la cavidá

 

 

 

más información:

>> Pues atopar más información del OUCC na seición de Proceedings. Pica equí p'acceder al menú xeneral

>>y equí p'atopar información de los Northern Pennine Club Reports, que nel añu 1986 faen mención d'esta cueva.

 
     
  enlace con la página espeleoastur.as